Міліцыянта Вольніча Кобрынскі суд пакінуў ні з чым
У судзе Кобрынскага раёна завяршыўся судовы працэс над 70-гадовай пенсіянеркай Антанінай Мартыненка за абразу сурацоўніка ДАІ Ганцавіцкага РАУС Ігара Вольніча, які хацеў спагнаць з пенсіянеркі 1500 рублёў маральнай кампенсацыі.
Чытае прысуд суддзя Ала Богнат:
– Суд Кобрынскага раёна Берасцейскай вобласці пастанавіў Мартыненка Антаніну Дзмітрыеўну вызваліць ад крымінальнай адказнасці ў сувязі са сканчэннем тэрміну даўнасці. Зыскавыя патрабаванні Вольніча Ігара Мікалаевіча аб матэрыяльнай кампенсацыі маральнай шкоды пакінуць без разгляду. Зняць арышт з маёмасці, указанай у пратаколе вопісу, мабільны тэлефон канфіскаваць у даход дзяржавы.
Антаніна Мартыненка ў 2020 годзе адрэагавала словам «мразь» на жорсткія дзеянні Вольніча пад здымкам у інтэрнэце, дзе Ігар Вольніч націснуў каленам на шыю ўдзельніка акцыі.
Пад гэтым здымкам было каля 2000 негатыўных каментароў у адрас Вольніча і 19 прысудаў, пасля якіх Вольніч няблага паправіў свой матэрыяльны стан. У выпадку з Мартыненка крыху спазніўся.
Беларускае Радыё Рацыя
Artykuł Міліцыянта Вольніча Кобрынскі суд пакінуў ні з чым pochodzi z serwisu БЕЛАРУСКАЕ РАДЫЁ РАЦЫЯ.