Анджэй Дуда сустрэўся з Канстанцінопальскім Патрыярхам Варфаламеем
Прэзідэнт Польшчы Анджэй Дуда з жонкай 28 сакавіка сустрэліся ў Бельведэры з Яго Святасцю Канстанцінопальскім Патрыярхам Варфаламеем. Абмяркоўвалася сітуацыя з вайной ва Украіне. Прэзідэнт Дуда выказаў удзячнасць яго Святасці за вельмі паслядоўнае і пакойнае тлумачэнне таго, хто ёсць ахвярай гэтага страшнага збройнага канфлікту.
Сустрэча адбылася ў рамках запрашэння прэзідэнта і першаіерарха Праваслаўнай Царквы ў Польшчы візіту Патрыярха Варфаламея ў краіну. Першым пунктам яго візіту было наведванне Капліцы Святых Кірыла і Мяфодзія, якая знаходзіцца пры Катэдры Мітрапалітальнай у Варшаве і сустрэча з грэцкай супольнасцю, праваслаўным духавенствам, а найперш з украінскімі бежанцамі, якія атрымалі прытулак у Цэнтры Праваслаўнай Культуры ў Варшаве.
Візіт Патрыярха Варфаламея ў Польшчу будзе доўжыцца да серады 30 сакавіка.
Напомнім, Усяленскі патрыярх Варфаламей 5 студзеня 2019 года падпісаў томас аб прадастаўленні Праваслаўнай Царквы Украіны аўтакефаліі і перадаў яго Епіфанію.
Беларускае Радыё Рацыя