Noregs VM-kvalifiseringstropp mot Slovenia
Dei norske fotballkvinnene skal ut i eit dobbeltoppgjer mot Slovenia i VM-kvalifiseringa. Først på heimebane på Ullevaal stadion 14. april, før dei reiser til Slovenia 18. april.
Noreg har tre poeng på dei første to kampane og ligg på andreplass i gruppa. Noreg vann sin første kamp 1–0 mot Austerrike, før dei tapte stort for Tyskland 0–4.
– Vi ønsker å prestere og fortsette slik vi gjorde mot Austerrike og Tyskland. Slovenia er eit velorganisert lag, det blir ein stor test for oss, sa landslagstrenar Gemma Grainger på pressekonferansen.
Guro Reiten sin overgang til USA og Gotham FC vart eit tema på pressekonferansen.
– For meg er det viktig at Guro er glad både på og utanfor bana, og dette verka som ein veldig positiv overgang for ho. Og det er det viktigaste for oss.
Dette er troppen:
Keeperar:
Cecilie Hauståker Fiskerstrand, Selma Panengstuen, Sunniva SkoglundForsvar:
Tuva Hansen, Guro Bergsvand, Thea Bjelde, Marit Bratberg Lund, Mathilde Hauge Harviken, Julie Blakstad, Ingrid Syrstad Engen, Marthine ØstenstadMidtbane:
Vilde Bøe Risa, Guro Reiten, Justine Kvaleng Kielland, Lisa Fjeldstad Naalsund, Frida Leonhardsen Maanum, Karina Sævik, Emilie JoramoAngrep:
Signe Gaupset, Synne Sofie Kinden Jensen, Caroline Graham Hansen, Ada Martine Stolsmo Hegerberg, Elisabeth Terland, Cathinka TandbergEmilie Woldvik og Andrea Norheim er også med som treningsspelarar i troppen.
Kvinnene sitt fotball-VM går av stabelen i Brasil sommaren 2027. Berre gruppevinnaren i kvalifiseringa tar seg direkte dit, medan resten skal ut i omspel.