Жеррард Трентнинг "Реал"га кетишини тушунишини айтди
“Мен ҳар қандай ўйинчининг ўз танловини қилиш ҳуқуқини тушунаман — бу унинг карьераси. Мен бундай қарорларни футбол нуқтайи назаридан ҳеч қачон қораламасдим.
У, эҳтимол, клуб тарихидаги энг яхши жамоалардан бирида ўйнади: жамоа АПЛни ютди, Чемпионлар лигасида ғалаба учун курашди. Унда мен бутун карьерам давомида орзу қилган ҳамма нарса бор эди.
Орқага назар ташласам, у мен уддалай олмаган нарсага эришганини тушунаман”, — дея Жеррарднинг сўзларини Liverpool Echo келтиради. Трент “Реал”га ўтгач, 16 та ўйинда майдонга тушди ва жамоадошларига 3 та голли узатма берди.