Жанәбіловтер ұтыс ойынынан қанша табуы мүмкін?
Кеше блогер Ерболат Жанәбілов ісі бойынша сот отырысында судья Малика Ноғайбекова оның сыйлықтар ойынына қанша адам қатысқанын сұрады, - деп хабарлайды Tengrinews.kz тілшісі.
Жанәбілов сотқа ойын 21 тамызда басталғанын және әлі де жалғасып жатқанын айтты, өйткені барлық көлік әлі ойнатылмаған. Блогердің сөзінше, "шамамен 5–6 мың қазақстандық қатысқан, қазірге дейін сегіз көлік ойнатылған".
Блогерлер 30 мың теңге тұратын Zhana Business ақылы курсына сілтеме жариялаған. Сол курсқа жазылғандар арасынан 10 көлік ойнатылатыны айтылған.
Баға және сыйлықтар:
Ойынға 10 Hyundai Elantra көлігі қойылған, 2025 жылғы модельдер, бағасы 10–15 млн теңге. Барлығы шамамен 100–150 млн теңге.24 iPhone смартфоны ойнатылған. Блогер ақшаны таңдағандарға 350 мың теңгеден төлеген. Смартфондар үшін шамамен 8,4 млн теңге кеткен.
Жанәбіловтар ұтыстан қанша табуы мүмкін?
Барлығы: 108,4–158,4 млн теңге.
Сыйлықтарды санамағанда табыс:
ең көбі – 41,6–71,6 млн теңге,кем дегенде – 21,6 млн теңге немесе тіпті шығынға батуы мүмкін.
Ойын әлі жалғасып жатыр.
Соттағы оқиға:
Кеше Ерболат әйелімен және адвокаттарымен арнайы ауданаралық әкімшілік сотқа келген. Кейін әйелін залдан шығарып жіберген, ол куәлік беруден бас тартты. Адвокат Олег Чернов прокурорды сотқа шақыруды сұраған, сот отырысы 15 қыркүйекке шегерілді.
Сотта курсты кей шенеуніктер, атап айтқанда Туризм және спорт министрлігінің Лотереяларды реттеу комитетінің өкілдері сатып алғаны белгілі болды. Олар курсты мұқият зерттеу үшін алған, сотта өз пікірін жеткізген.
Бұған дейін не белгілі болды?18–21 тамызда Жанәбіловтар көліктер ойнатылатынын жариялаған, бірақ пайдаланушыларға тікелей эфир емес, 30 мың теңге тұратын курстың сілтемесі жіберілген. Тек курс сатып алғандар қатыса алған, бұл сын мен шағымдарға себеп болды. Министрлік лотерея ұйымдастыруға тек ресми органдар мен агенттер құқылы екенін ескертті.
Министрлік позициясы:
Ерболат Жанәбіловқа лотерея заңын бұзғаны үшін Әкімшілік құқықбұзушылық кодексінің 445-1-бабы 6-бөлігі бойынша хаттама толтырылған. Әйеліне тексеріс жүргізіліп жатыр. Министрлік азаматтарды "күдік туғызатын гивтерге" қатыспауға шақырады.
Жанәбіловтар кімдер?
Ерболат Жанәбілов пен Эльмира Төлегенова – Қазақстандағы ең танымал блогерлердің бірі. Ерболаттың аккаунтына 8,4 млн оқырман, ал Эльмираға 7,1 млн адам жазылған. Олардың жарияланымдары миллиондаған қаралым жинайды. Өзекті жаңалықтарды өз уақытында оқу үшін Facebook парақшамызға жазылыңыз!
Сілтемесіз жаңалық оқисыз ба? Онда Telegram желісінде парақшамызға тіркеліңіз!