Ўзбек снайперлари 25 мамлакат армиясини ортда қолдирди
Мусобақада 25 давлатдан 45 та жамоа иштирок этди. Ўзбекистон снайперлари 1,2 км масофадаги 24 та нишонни тезкор йўқ қилиш ҳамда шаҳар шароитидаги 100-650 метр масофадаги 6 та объектни аниқ йўқ қилиш бўйича беллашувларда 1-ўринни эгаллади.
Бундан ташқари, мусобақанинг бошқа йўналишларида ҳам ўзбекистонлик ҳарбийлар 8 та медаль, 10 та диплом ва бир қатор эсдалик совғаларини қўлга киритишга муваффақ бўлишди.
Беллашувларда Жанубий Корея, Венгрия, Испания, Индонезия, Куба, Россия ва бошқа давлатларнинг ҳарбий жамоалари қатнашди.