Ёзнинг сирли кечаси: Ямалнинг гўзал байрами қандай ўтади?
Тадбир учун тайёргарликлар аъло даражада, ҳатто меҳмонлар рўйхати ва манзил сир сақланмоқда. Ямалнинг байрамида мобил телефонлар тақиқланади, бу эса интернетга ҳеч қандай видео ёки фотосурат чиқмаслигига кафолат беради. Меҳмонлар шахсий ҳаёти ва байрам муҳити сирлилигини тўлиқ ҳис қилади.
Ташкилотчилар аниқ таъкидладики, ҳеч қандай наркотик моддаларга рухсат йўқ — қатъий қоида! Тадбир манзили эса фақат сўнгги соатларда аниқланади. Илк мулоҳазаларга кўра, байрам ёки Барселонада, ёки очиқ денгиздаги хусусий яхтада ўтади. Бу ҳам меҳмонлар учун кутилмаган сюрприз бўлади.
Машҳур артистлар: Bad Gyal, Ozuna, Duki, Black Eyed Peas каби жаҳон юлдузлари ҳам, “Барселона” ва Испания терма жамоаси аъзолари — жамоадошлари байрамда иштирок этиши аниқ. Ямал барча харажатларни ўз ҳисобидан қоплайди: меҳмонларнинг учиш чипталари, яшаши ва овқатланиши ҳам Ямал томонидан тўланади.
Кеча иштирокчилари учун барча шароит яратилган. Сўнгги дақиқаларгача интрига сақланади — байрам манзили фақат “энг ишончли”ларга сўнгги соатларда айтиляпти. Кимлар иштирок этиши ҳам махфийлигича қолмоқда, аммо санъат ва футбол юлдузлари бир жойда йиғилади.
Бу туғилган кун нафақат Ямал учун, балки бутун футбол олами учун эсда қоларли тарихий санага айланиши мумкин. У катта ёшга қадам қўяётгани билан бирга, ўзининг шахсий бренди, ҳаёти ва дўстлари учун янги босқични бошлайди. Ёш юлдузнинг байрами интернетдаги энг муҳокама қилинадиган воқеага айланиши аниқ.
Ямалнинг ёз кечасидаги сирли ва гўзал туғилган куни ҳақида яна қандай кутилмаган тафсилотлар пайдо бўлади — бунга вақт ўзи гувоҳ!