Терма жамоамиз Хитойда янги синовлар сари: халқаро ўқув-машғулот йиғини бошланди
Бу галги йиғинда ҳам йигитлар, ҳам қизлар жамоаси иштирок этади. Эркаклар термаси қуйидаги вазн тоифаларида иштирок этади:
- 51 кг: Муҳаммадқодир Мамиржонов
- 57 кг: Хўжаназар Нортожиев
- 63,5 кг: Абдуллоҳ Маъдаминов
- 71 кг: Самандар Ҳабибуллаев
- 80 кг: Самандар Жалолов
- 92 кг: Диёрбек Уралов
- +92 кг: Арман Маханов
Аёллар жамоасида эса қуйидаги боксчи қизларимиз халқаро йиғинда ўз маҳоратларини намойиш этади:
- 50 кг: Зилолахон Юсуфова
- 54 кг: Мухлиса Хушвақтова
- 57 кг: Нигина Ўктамова
- 60 кг: Рашида Тагирова
- 66 кг: Дилфуза Бекова
Мураббийлар таркибини тажрибали мутахассислар Нурсултон Бўрихонов, Рамзжон Аҳмедов, Фаррух Жўраев ва Лазизжон Шарифжонов ташкил этган.
Хабарга кўра, қизларимиз 10 июль куни Хитойга етиб бориб, халқаро йиғинда иштирок этишни бошлайди. Ўзбекистон бокс федерацияси бу ташаббус орқали ёш боксчиларга янги имкониятлар, халқаро майдонда тажриба ва янги мотивация беришни мақсад қилган.
Терма жамоамизнинг халқаро тайёргарлик ва мусобақалардаги иштироки келгуси йирик мусобақалардаги юқори натижалар учун пойдевор бўлади. Янги машғулотлар, янги рақиблар ва янги имкониятлар — буларнинг барчаси ёш боксчиларимиз ривожига хизмат қилади.
Бу сафарги йиғин ва мусобақа натижалари ўз навбатида терма жамоа сафини кучайтириш, ихтиёрий спортчиларимизнинг тажрибасини бойитиш ва халқаро майдондаги рақобатбардошликни оширишга хизмат қилади.
Яқин кунларда Хитойдан келадиган янгиликлар, натижалар ва илҳомлантирувчи ҳикоялар бокс ихлосмандлари учун алоҳида қизиқиш уйғотади. Спортчиларимизга халқаро саҳнада омад ва куч-қувват тилаймиз!