Кинофильмлардаги машҳур жойлар: реал манзиллар
“Тахтлар ўйини” — Ирландия ва Испаниядан афсонавий Вестеросгача
Шимолий Ирландияда жойлашган Уорд қалъаси фильмда Старклар қароргоҳи сифатида танилган. Бу тарихий иншоот асли Даун графлигида, Странгфорд-Локҳ кўрфази бўйида жойлашган.
Сериалда Деэнерис Таргарен илк бор Вестеросга қадам қўядиган жой — Сан-Хуан-де-Гастельугаче ороли. У Испания қирғоқлари яқинида, қояли ҳудудда жойлашган ва қуруқликка кўприк билан уланади.
“Андиша ва ғурур” — Романтик изҳор остида тарихий ибодатхона
2005 йилдаги “Приде анд Прежудиcе” фильмидаги энг машҳур эпизодлардан бири — жаноб Дарсининг Элизабетга илк марта севги изҳор қилган саҳнаси. Бу лавҳа Англиянинг Уилтшир графлигидаги Стоурҳеад боғларидаги Аполлон ибодатхонасида ёмғир остида суратга олинган.
“Жокер” — Барча эслаб қолган зинапоя аслида қаерда?
Фильмда Жокернинг машҳур рақси суратга олинган зинапоя Нью-Йоркнинг Бронкс туманида, Шекспир ва Андерсон хиёбонлари оралиғида жойлашган. Бу жой ҳозирда нафақат туристлар, балки фильм мухлислари учун ҳам афсонага айланган манзил.
“Дуне” — Император саройи Италиядаги архитектура дурдонаси асосида
2024 йилда суратга олинган “Дуне: Иккинчи қисм” фильмидаги Каитен сайёрасидаги император қароргоҳи — аслида Италиянинг Сан-Вито-дъАлтиёвле шаҳридаги Брион ёдгорлигида жонлантирилган. 1970-йилларда меъмор Карло Скарпа томонидан яратилган бу жой аввал бошқа киноларга рухсат берилмаган. Аммо бу гал, Герберт романининг мухлиси бўлган Брион оиласи аъзоси сабабли, суратга олишга рухсат берилган.
“Интерстеллар” — Оламдан йироқ, музликдаги сирли сайёра
Исроилдаги Ватнаёкулл миллий боғидаги Свинафеллсжокулл музлиги фильмда доктор Манн яшаган сайёра сифатида тасвирланган. Бу жойнинг ўзига хос релефи ва ҳаётсиз кўриниши галактика ташқарисидаги муҳитни реал тарзда акс эттиришга ёрдам берган.
“Оқ нилуфар” — Монастирдан меҳмонхонага айланган кинофон
Сицилиянинг Таормина шаҳрида жойлашган Сан Домениcо Палаcе меҳмонхонаси “Оқ Нилуфар” сериалининг 2-мавсумида асосий жой сифатида кўринади. Илгари бу бино монастир бўлган, аммо 1896 йилдан бошлаб ҳашаматли меҳмонхонага айлантирилган. Саҳналар яқин атрофда олингандек кўринса-да, аслида айрим саҳналар Чефалу шаҳрида, 2,5 соатлик масофада тасвирга туширилган.
“Бриджертонлар” — Лондон кўчаларини эслатувчи Бат шаҳридаги майдон
Англиянинг Бат шаҳридаги Бофорт майдони — Георгий услубида қурилган икки қаватли уйлар ва марказий майдон билан “Бриджертонлар” сериалининг муҳим саҳналарида фон сифатида ишлатилган. Масалан, Пенелопа ва Элоиза ўзаро сирли суҳбатлашган лавҳа айнан шу ерда тасвирга тушган.
“Бриджит Жонс” — Тор кўчадан юракни жунбушга келтирган излар
Лондоннинг Темпле туманидаги Миддле Темпле Лане кўчаси — “Бриджит Жонс” фильмидаги асосий манзиллардан бири. Бу тор, романтик руҳдаги кўча Марк Дарcининг офиси жойлашган бино томон олиб боради ва ҳозир ҳам фильм ихлосмандлари орасида машҳурлигини йўқотмаган.