Türkmenistan çilime salynýan aksizi ýokarlandyrýar
Bu barada habar berýän ýarym-resmi internet neşirleri ýurduň Salgyt kodeksine degişli düzedişleriň girizilendigini hem ýazýar.
Senagat taýdan öndürilen beýleki temmäki we senagat temmäki çalşyryjylarynyň goşmaça tölegi hem 24,4 %-den 30,5%-e çenli ýokarlandyryldy.
Türkmenistanda çilime garşy göreş 2016-njy ýylda güýçlendi. Şol ýylyň başyndan bäri ýurtda temmäki önümleriniň söwdasy ýiti çäklendirildi, bu babatda ähli ygtyýarlyklar Söwda we daşary ykdysady aragatnaşyklar ministrligine berildi.
Türkmenistan 2025-nji ýyla çenli ýurdy temmäki önümlerinden doly azat etjekdigini aýdýar.
Munuň bilen bagly 2022-2025-nji ýyllar üçin Milli maksatnama tassyklandy. Soňky ýyllar temmäki önümleriniň gümrük tölegleri yzygiderli artdyrylýar.
Ýurtda çilim gytçylygy ençeme ýyl bäri saklanýar, çilimkeşlere dürli gadagançylyklar girizildi. Emma bu çilim çekilmegini azaltmaýar, çilimkeşlikden saplanmak ýaly sagdynlyk maksatlary iş ýüzünde orun tapmaýar.
Çilimiň söwdasyna girizilen çäklendirmeler çilimini goýup bilmeýän adamlary has uly saglyk töwekgelligine, şol sanda dürli otlary guradyp çekmäge mejbur edýär.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.