Ռուս-ուկրաինական լարվածության ֆոնին կիևցիները ցանկանում են Պուշկինի կիսանդրին փոխարինել ուկրաինացի բանաստեղծ Վասիլի Ստուսի կիսանդրիով
Կիևցիները ցանկանում են ռուս գրող Ալեքսանդր Պուշկինի կիսանդրին փոխարինել ուկրաինացի բանաստեղծ Վասիլի Ստուսի կիսանդրիով։ Այս մասին ուրբաթ հայտնել է ուկրաինական Громадське հեռուստաալիքը՝ վկայակոչելով Київ Цифровий հավելվածի հարցման արդյունքները։
Կիսանդրին 2020-ի օգոստոսի 20-ին պղծվել էր, երբ արդեն իսկ ընթանում էր Ռուսաստանի Դաշնության հատուկ գործողությունն Ուկրաինայում։
«Київ Цифровий հավելվածում քվեարկել էն, թե ինչպես փոխարինել ռուս գործիչների կիսանդրիները մետրոյի Університет կայարանում՝ Ալեքսանդր Պուշկինը՝ Վասիլի Ստուսով (42%-ը կողմ է քվեարկել այս տարբերակին)»,- ասվում է տելեգրամյան ալիքի հաղորդագրության մեջ։
Նշվում է նաև, որ ռուս, խորհրդային գրող Մաքսիմ Գորկու կիսանդրու փոխարեն օգտատերերի մեծ մասը ցանկանում է տեղադրել ուկրաինացի պատմաբան և Ուկրաինայի նախկին Կենտրոնական Ռադայի նախագահ Միխայիլ Գրուշևսկու կիսանդրին, այս տարբերակին կողմ է քվեարկել ձայների 47%-ը։
Ռուս գիտնական Միխայիլ Լոմոնոսովի կիսանդրիի փոխարեն ցանկանում են տեսնել Կիևի մեծ կնյազ Վլադիմիր Մեծի կիսանդրին (37%)։ Ռուս քիմիկոս Դմիտրի Մենդելեևի կիսանդրին ցանկանում են փոխարինել ականավոր վիրաբույժ Նիկոլայ Պիրոգովի կիսանդրիով, այս տարբերակը ստացել է ձայների 30%-ը։