Лениногорск районы Урмышлы мәктәбе 100 еллыгын билгеләп үтәргә җыена
Лениногорскиның Урмышлы мәктәбе 27 май көнне 100 еллыгын билгеләп үтәчәк. Мәктәпнең юбилеена зур бәйрәм программасы әзерләнә. Бу хакта «Заман сулышы» хәбәр итә.
Укытучы һәм остазлар елы уңаеннан, Урмышлы мәктәбенең ветеран укытучыларын хөрмәтләячәкләр. Укучылар чыгышы көтелә. Мәктәпкә, мәктәп музеена экскурсия дә була.
Аннары ачык һавада Рамил Галимҗанов һәм авылның үзешчән артистлары катнашында концерт була. Шулай ук гармунчылар да чакырылган.
Оештыручылар самавырдан мәтрүшкәле чәй дә әзерлиләр.