Буюк Британияда уч киши ДНКсига эга илк чақалоқлар дунёга келди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: luismmolina/Getty Images/iStockphoto Буюк Британияда бирданига уч киши - ота-онаси ва донор ДНКсига эга бўлган илк чақалоқлар дунёга келди. Бу ҳақда The Guardian ёзди. Бундай болаларнинг туғилиши экстрокорпорал уруғлантириш (ЭКУ) жараёни натижасида юз берган. Бунда митохондриал донорлик (MDT, mitochondrial donation treatment) усулидан фойдаланилган. У цитоплазматик алмаштириш деб ҳам аталади. Эмбрионни шакллантириш жараёнида ота ва онанинг сперматозоидлари ва тухумдони донор аёл тухумдонидаги митохондриялар билан бирлаштирилади. MDT усулидан фойдаланиш натижасида бола ота-онаси ДНКсининг тахминан 99,8 фоизини, шунингдек, донор генетик материалининг жуда кичик қисмини - 37 та генни олади. Усул болаларнинг оналаридан даволаб бўлмайдиган касалликлар - митохондриал нуқсонларнинг ривожланишига олиб келадиган мутацияларни мерос қилиб олишининг олдини олишга қаратилган. Буюк Британиянинг уруғлантириш ва эмбриология бошқармаси (HFEA) вакиллари ушбу технология асосида мамлакатда аллақачон бир неча бола туғилганини айтишган. Бундай чақалоқларнинг аниқ сони махфийлик сабабли ошкор этилмайди. Буюк Британия болалар туғилишида цитоплазматик алмаштириш усулидан фойдаланган дунёдаги биринчи давлат эмас. 2016 йилда америкалик шифокорлар Лей синдромидан азият чеккан иорданиялик аёлни сунъий равишда уруғлантириб, уч киши ДНКсига эга фарзандини дунёга келишига сабаб бўлган эди. Аввалроқ, аёл ирсий мутация туфайли икки нафар фарзандидан айрилган эди. [allow-turbo]

Буюк Британияда бирданига уч киши - ота-онаси ва донор ДНКсига эга бўлган илк чақалоқлар дунёга келди. Бу ҳақда The Guardian ёзди.

Бундай болаларнинг туғилиши экстрокорпорал уруғлантириш (ЭКУ) жараёни натижасида юз берган. Бунда митохондриал донорлик (MDT, mitochondrial donation treatment) усулидан фойдаланилган. У цитоплазматик алмаштириш деб ҳам аталади.

Эмбрионни шакллантириш жараёнида ота ва онанинг сперматозоидлари ва тухумдони донор аёл тухумдонидаги митохондриялар билан бирлаштирилади. MDT усулидан фойдаланиш натижасида бола ота-онаси ДНКсининг тахминан 99,8 фоизини, шунингдек, донор генетик материалининг жуда кичик қисмини - 37 та генни олади.

Усул болаларнинг оналаридан даволаб бўлмайдиган касалликлар - митохондриал нуқсонларнинг ривожланишига олиб келадиган мутацияларни мерос қилиб олишининг олдини олишга қаратилган.

Буюк Британиянинг уруғлантириш ва эмбриология бошқармаси (HFEA) вакиллари ушбу технология асосида мамлакатда аллақачон бир неча бола туғилганини айтишган. Бундай чақалоқларнинг аниқ сони махфийлик сабабли ошкор этилмайди.

Буюк Британия болалар туғилишида цитоплазматик алмаштириш усулидан фойдаланган дунёдаги биринчи давлат эмас. 2016 йилда америкалик шифокорлар Лей синдромидан азият чеккан иорданиялик аёлни сунъий равишда уруғлантириб, уч киши ДНКсига эга фарзандини дунёга келишига сабаб бўлган эди. Аввалроқ, аёл ирсий мутация туфайли икки нафар фарзандидан айрилган эди.

[/allow-turbo] Дунё Shuhrat Wed, 10 May 2023 22:25:27 +0500