Բռնությանն արդարացում չկա. բոլոր հարցերը պետք է լուծվեն միայն բանակցությունների միջոցով. Կլաար

 Հարավային Կովկասի հարցերով Եվրամիության հատուկ բանագնաց Տոյվո Կլաարը անհանգստություն է հայտնել «վերջին մահացու բախումների և կրակոցների մասին նոր հաղորդումների» կապակցությամբ: Այս մասին նա գրել է Թվիթերում՝ առանց կողմերից որևէ մեկին հասցեական դիմելու։


«Բռնությանն արդարացում չկա. բոլոր հարցերը պետք է լուծվեն միայն բանակցությունների միջոցով», - նշել է նա, նկատելով, որ տարածաշրջանն արդեն բավականաչափ տուժել է մարտերից։


«Հիմա ժամանակն է միասին աշխատելու կայուն, արդար խաղաղության համար», - գրել է Կլաարը:


Ստեփանակերտը կիրակի հաղորդեց ադրբեջանական զինուժի դիվերսիոն ներթափանցման մասին, որին հետևանքով զոհվեց ոստիկանության 3 ծառայող։ Բաքուն ևս հայտնել է զոհերի մասին։


ՌԴ պաշտպանության նախարարությունն էլ հայտարարել է, որ առաջինը կրակ են բացել ադրբեջանցիները։