აფხაზეთიდან გადმოყვანილ წლამდე ასაკის ბავშვს ე.წ. ინდური შტამი დაუდასტურდა
ციციშვილის ბავშვთა ახალ კლინიკაში ამ დროისთვის წლამდე ასაკის სამი ჩვილი იმყოფება, რომელთაგან კორონავირუსი ორს აქვს დადასტურებული. მეორე ბავშვის შემთხვევაში სახეზე ე.წ. ბრიტანული შტამი.
საქართველოში, სადაც ვაქცინაციის პროცესი ნელა და შეფერებებით მიმდინარეობს, კორონავირუსის ინდური შტამი 27 მაისს დაფიქსირდა.
6 ივლისს, საკოორდინაციო საბჭოს სხდომის დასრულების შემდეგ, ჯანდაცვის მინისტრის მოადგილემ, თამარ გაბუნიამ განაცხადა, რომ ქვეყანაში ამ შტამის 52 შემთხვევაა ოფიციალურად დადასტურებული.
დაავადებათა კონტროლის ცენტრში აცხადებენ, რომ დელტა შტამით ინფიცირების რიცხვი გაცილებით მეტია და ქვეყანაში კოვიდით ინფიცირების 15-20% სწორედ დელტა შტამზე მოდის.
ამ დროისთვის საქართველოში დღიურად აცრის მაჩვენებელია 5 702, სულ აცრილია 283 631 მოქალაქე.