„ევროპელი სოციალისტები" ღარიბაშვილის მინისტრთა კაბინეტს მხარს არ დაუჭერენ
„ირაკლი ღარიბაშვილი გახლავთ „ქართული ოცნების“ პოლიტიკური გუნდის მიერ წარდგენილი კანდიდატურა. რამდენად სწორია ეს გადაწყვეტილება, ამას დრო აჩვენებს. ეს არის მმართველი პარტიის პრეროგატივა. აქედან გამომდინარე, შედეგებზე პასუხისმგებლობა ეკისრება მმართველ გუნდს. „ევროპელი სოციალისტების“ საპარლამენტო გუნდი ღარიბაშვილის კანდიდატურასთან დაკავშირებით კენჭისყრაში მონაწილეობის მიღებისგან თავს შეიკავებს“, - აცხადებენ „ევროპელი სოციალისტები".
18 თებერვალს საქართველოს პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე თქვა, რომ გუნდში შეთანხმების მიუღწევლობის გამო ნიკა მელიას დაპატიმრებასთან დაკავშირებით, მიიღო გადაწყვეტილება, გადადგეს დაკავებული თანამდებობიდან.
მმართველი პარტიის პოლიტიკური საბჭოს გადაწყვეტილებით, საქართველოს პრემიერმინისტრობის კანდიდატად დაასახელეს თავდაცვის მინისტრობის მოვალეობის შემსრულებელი ირაკლი ღარიბაშვილი.
მთავრობის შემადგენლობას კენჭს უყრიან 22 თებერვალს.