მაკრონი განსჯის პარიზში თავის მოკვეთას, როგორც „ისლამისტურ ტერორისტულ თავდასხმას“ მიმართულს „სიტყვის თავისუფლებისკენ“
სკოლასთან, სადაც მასწავლებელს თავს დაესხნენ, ვალ დ’უაზის რეგიონში, დედაქალაქიდან ჩრდილო-დასავლეთში, მაკრონმა განაცხადა, რომ „დღეს მოკლეს მოქალაქე, რადგანაც ის იყო მასწავლებელი და რადგანაც ის ასწავლიდა გამოხატვის თავისუფლებას“.
მაკრონი ადგილზე ჩავიდა შინაგან საქმეთა სამინისტროში საგანგებო სხდომის შემდეგ და მას მერე, რაც კონტრ-ტერორიზმის პროკურატურამ თავდასხმის გამოძიება დაიწყო.
მთელი ქვეყანა თავისი მასწავლებლების უკან დგას, თქვა მაკრონმა, ტერორისტები ვერ გაყოფენ საფრანგეთს, „ობსკურანტიზმი ვერ გაიმარჯვებს“, თქვა მაკრონმა.
პოლიციაში წყარო იტყობინება, რომ მასწავლებელმა ბავშვებს უჩვენა წინასწარმეტყველ მოჰამედის კარიკატურა, რასაც ზოგიერთი მაჰმადიანი მკრეხელობად მიიჩნევს. თავდასხმაში ეჭვმიტანილი პოლიციის პატრულმა თავდასხმის ადგილთან ახლოს შეამჩნია დანით ხელში.
საფრანგეთის განათლების მინისტრმა, ჟან-მიშელ ბლანკერმა ტვიტერით დაწერა, რომ "დღეს საღამოს თავდასხზმა მოხდა თვით რესპუბლიკაზე მისი ერთ-ერთი მსახურის, მასწავლებლის საშინელი მკვლელობით".
მაკრონი ამჟამაჟ მოითხოვს ახალი კანონის მიღებას, რომლის მიზანია ალაგმოს როგორც ზოგიერთები უწოდებენ, შინაგანი "სეპარატიზმი", სხვათა შორის, ისლამისტი რადიკალების მხრიდან, რომლებიც, ექსტრემიზმს უნერგავენ ადვილად მოწყვლად პირებს ქადაგების და საშინაო სკოლების გზით.
ბოლო წლებში საფრანგეთში რამდენიმე სასტიკი თავდასხმა მოხდა ისლამისტების მხრიდან.
გასული თვის ბოლოს, პირმა, რომელიც პაკისტანელი ემიგრანტია, დანით დაჭრა ორი პირი, ფრანგული სატირული ჟურნალის, Charlie Hebdo-ს ყოფილ ოფისთან.
Charlie Hebdo-ს თანამშრომლები ისლამისტი მებრძოლების სამიზნე გახდა. მათ სატირული გამოცემის ოფისზე მიიტანეს იერიში და თანამშრომლები დახოცეს ხუთი წლის წინ ჟურნალის მიერ კარიკატურის გამოქვეყნების გამო შურისძიების ნიშნად, რადგან თავდამსხმელებმა კარიკატურები მკრეხელობად მიიჩნეს. ამ თავდასხმის შედეგად დაიხოცა 12 ადამიანი, მათ შორის პოლიციელი, რომელმაც სროლას უპასუხა და დაიჭრა 11 ადამიანი. ოთხი დღის შემდეგ საფრანგეთის ორი მილიონი მოქალაქე გავიდა ქუჩებში ერთიანობის დემონსტრაციაზე.
ათი თვის შემდეგ, 2015 წლის შემდეგ, ტერორისტი-თვითმკვლელების კოორდინირებული თავდასხმა მოხდა პარიზის და მიმდებარე არეალების გასართობ ცენტრებზე, როცა 130 ადამიანი დაიღუპა და 400 დაიჭრა, რაც მეორე მსოფლიო ომის შემდეგ საფრანგეთში ყველაზე სისხლიანი თავდასხმა იყო მეორე მსოფლიო ომის შემდეგ.