აეროპორტების გაერთიანება: თვითმფრინავის სალონში პირბადის ტარება სავალდებულო იქნება

„საქართველოს აეროპორტების გაერთიანების“ დირექტორის თამარ არჩუაძის განცხადებით, აეროპორტებსა და თვითმფრინავის სალონში მგზავრებისთვის პირბადის ტარება სავალდებულო იქნება. მისივე თქმით, ამჟამად აეროპორტებში მიმდინარეობს შესაბამისი მონიშვნების დაკვრა, რათა მგზავრებმა დისტანციის დაცვა შეძლონ.


„თბილისის აეროპორტი უკვე პრაქტიკულად მზად არის. ქუთაისის აეროპორტი და „აეროპორტების გაერთიანებაში“ შემავალი სხვა დანარჩენი აეროპორტები ვემზადებით 1 ივლისისთვის. ყველა აეროპორტში ამჟამად მიმდინარეობს სტიკეტების დაკვრა, რათა მგზავრებმა შეძლონ დისტანციის დაცვა მეტრ-ნახევარის ოდენობით.


რაც შეეხება თვითმფრინავის სალონში მგზავრობას, მგზავრებს მოუწევთ ასევე პირბადეების ტარება, ასევე იმ აეროპორტების რეგულაციების დაცვა, სადაც ჩაფრინდებიან“, - აცხადებს არჩუაძე.


მთავრობის გადაწყვეტილებით, 15 ივნისიდან საქართველოში შიდა ტურიზმი გაიხსნება. 1 ივლისიდან კი ქვეყანა საზღვრებს საერთაშორისო ვიზიტორებისთვისაც გახსნის. 


ასევე წაიკითხეთ: 


რით შეძლებს აჭარა ტურისტების მოზიდვას


ტურისტი “სახლიდან სახლში” - როგორი ტურიზმი იქნება, როცა იქნება 


გიორგი გახარიას თქმით, ტურისტს კორონავირუსზე სწრაფი ტესტის ჩატარება საქართველოშიც შეეძლება