ბელარუსი: რუსეთთან საკავშირო სახელმწიფოს შექმნის მომხრეთა რიცხვმა ერთი მესამედით იკლო
თუკი 2019 წლის დამდეგს რუსეთთან კავშირის მომხრე იყო მოსახლეობის 60 პროცენტზე მეტი, დეკემბერში ეს მაჩვენებელი 40 პროცენტამდე დაეცა.
ამასთან, სოციოლოგები აღნიშნავენ, რომ ბელარუსის მოსახლეობაში გაიზარდა ევროკავშირში გაწევრიანების მომხრეთა რიცხვი.
შარშან ბელარუსისა და რუსეთის პრეზიდენტები არ გამორიცხავდნენ ორი ქვეყნის ინტეგრაციის შესახებ შეთანხმების ხელმოწერას. ასახელებდნენ ხელმოწერის სავარაუდო თარიღს - 8 დეკემბერს. მაგრამ ორი ქვეყნის ლიდერს შორის სოჭში გამართულ შეხვედრაზე ვერ მოხერხდა ინტეგრაციის „გზამკვლევი“ დოკუმენტების შეთანხმება.
ამის შემდეგ მინსკსა და მოსკოვს შორის ურთიერთობები საერთოდ გამწვავდა. კერძოდ, უთანხმოების საგანი გახდა ფასები ენერგომატარებლებზე, რომლებსაც ბელარუსი რუსეთისგან ყიდულობს.