Qırımda yol qazası: bir adam elâk oldı, beş adam yaralandı (+süret)
Ruisye polisine köre, Daewoo Matiz maşnası Mitsubishi ASX maşnasına urulıldı. Bundan soñ Mitsubishi qarşı yolaqqa çıqıp, VAZ-21110 maşnasınen çatıştı, Matiz ise yolnıñ kenarına avdarıldı.
"Yol qazası neticesinde VAZ-21110 maşnasınıñ aydavcısı elâk oldı, Mitsubishi ASX maşnasınıñ aydavcısı ve üç yolcusı ve Daewoo Matiz yolcusı yaralandı", - denile beyanatta.
Bu qaza aqqında Rusiye nezaretindeki Qırım FVN de bildire, olarnıñ malümatına köre, yol qazası "Aqmeçit (Çernomorskoye)-Kezlev" yolunıñ 40-ıncı kilometrinde oldı.
2018 senesi dekabr ayında Qırım qurtarıcıları Qırımda büyük yol qazalarınıñ sayısı arttı, dep bildirdi. Qırımda 2019 senesiniñ ilk üç ayı içinde keçken seneniñ aynı müddeti içinde mesüliyetke çekilgen aydavcılarnıñ sayısı bir buçuq qat ziyade oldı.