Расман: Энтони Жошуанинг 4та камарини ҳимоя қиладиган жанги Ўзбекистонда жонли трансляция қилинади (+видео)
УзРепорт телеканали Тошкент вақти билан 2 июнь тонгида АҚШнинг Ню-Йорк шаҳридаги афсонавий «Madison Square Garden» аренасида ташкил этиладиган бокс кечасини тўгридан-тўгри трансляция қилади. Бу ҳақда телеканалнинг instagram’даги расмий саҳифаси орқали маълум қилинган.
Бокс оқшомида фаолияти давомида мағлубият нима эканини билмай келаётган британиялик боксчи Энтони Джошуа (22-0, 21 КО) америкалик Энди Руисга (32-1, 21 КО) қарши рингга кўтарилади.
Жошуа супер оғир вазн тоифасида WBA, IBF, WBO ва IBO чемпионлик камарлари соҳиби ҳисобланади ва у учинчи маротаба мазкур 4та титулини ҳимоя қилишга уриниб кўради.