Մ19 Եվրո-2019. Հայաստանի հավաքականն իմացավ իր մրցակիցներին
Armsport.am-ը գրում է.
Այսօր՝ մայիսի 31-ին կայանում է մինչև 19 տարեկանների Եվրոպայի 2019 թվականի առաջնության՝ Երևանում կայանալիք մրցաշարի վիճակահանությունը:
Առաջարկում ենք հետևել իրադարձություններին ուղիղ տեքստային հեռարձակմամբ.
Ահա, թե ինչպես դասավորվեցին խմբերն վիճակահանության արդյունքներով:
A խումբ
Հայաստան Մ19
Պորտուգալիա Մ19
Իտալիա Մ19
Իսպանիա Մ19
B խումբ
Չեխիա Մ19
Իռլանդիա Մ19
Նորվեգիա Մ19
Ֆրանսիա Մ19
Հայաստանի հավաքականի փոխավագ Մարկոս Պիզելի.
Հայաստանի Մ19 հավաքականի հաջողություն եմ մաղթում:
Բոլոր խաղերն իհարկե դժվար կլինեն: Կարծում եմ՝ կլինեն նոր մխիթարյաններ, մարկոսներ, ղազարյաններ:
Մ19 Եվրոպայի առաջնության դեսպան Հենրիխ Մխիթարյան.
Շատ ուրախ եմ, որ ներկայացնելու եմ մեր երկիրը որպես դեսպան: Երբ ես այս տարիքում էի, ամբողջ տարին սպասում էի նման մրցաշարերի: Հուսով եմ՝ շատ երկրպագուներ ներկա կլինեն հուլիսին կայանալիք մրցաշարին: Առաջին անգամ ենք նման մրցաշար անցկացնում
Հիշեցնենք՝ Հայաստանի Մ19 հավաքականը որպես մրցաշարն ընդունող երկիր դարձել է A խմբի առաջին թիմը: Հայաստանին են միացել ևս 7 թիմեր՝ Իռլանդիան, Չեխիան, Նորվեգիան, Իսպանիան, Ֆրանսիան, Պորտուգալիան և Իտալիան:
8 թիմերը կընդգրկվեն 2 խմբերում:
ՀՖՖ Առաջին փոխնախագահ, գլխավոր քարտուղար Արմեն Մելիքբեկյան.
Հայաստանն առաջին անգամ հյուրընկալում է նման մեծ մրցաշար: Հավատում եմ, որ մեր ֆեդերացիայի աշխատողները, կամավորներն ու բոլոր նրանք, ովքեր ներգրավված են այս մրցաշարի կազմակերպչական հարցերում, կանեն ամեն ինչ այն լավագույնս անցկացնելու համար. սա միայն առաջին քայլն է՝ հետագայում ավելի մեծ վստահության արժանանաու համար: Մ19 Եվրոպայի առաջնությունն իսկական իրադարձություն է մեզ համար: 14 տարի առաջ Հայաստանի Մ19 հավաքականն առաջին անգամ դուրս եկավ եզրափակիչ: Հիմա մեր երկրպագուները հնարավորություն ունեն անմիջապես Երևանում հետևելու այս միջոցառմանն ու աջակցելու մեր 19-երի հավաքականին: Վստահ եմ՝ այցելելով Հայաստան՝ շատերը կցանկանան նորից վերադառնալ:
Շնորհակալ եմ հավաքականի ներկայիս ֆուտբոլիստներին՝ Հենրիխ Մխիթարյանին ու Մարկոս Պիզելին այսօր այստեղ ներկա գտնվելու համար:
Հաջողություն եմ մաղթում մասնակից բոլոր թիմերին:
Միջոցառմանը ներկա է մրցաշարի դեսպան, Հայաստանի Ազգային հավաքականի կիսապաշտպան Հենրիխ Մխիթարյանը, հավաքականի ֆուտբոլիստ Մարկոս Պիզելին, այլ պաշտոնատար անձինք: