АҚШ Японияга 105 та қирувчи самолёт етказиб бермоқчи
Яқинда 4 кунлик расмий ташриф билан Японияда бўлган Дональд Трапм икки мамлакат ўртасида савдо ва ташқи сиёсатга доир мавжуд бир нечта муаммоли масалаларни ижобий ҳал этишга муваффақ бўлганлиги маълум бўлди. Шунингдек, океан ортидан ташриф буюрган давлат раҳбари ҳарбий ҳамкорлик борасида ҳам ўзаро ҳамкорликни мустаҳкамлаш бўйича умумий манфаатли ечим топа олган.
Ташриф давомида Дональд Трамп Япония бош вазири Синзо Абэ ҳамроҳлигида ҳарбий вертолётларни ташишга мўлжалланган “Кага” кемаси бортида кунчиқар юртнинг Йокосука ҳарбий базасини бориб кўрган. Музокаралар давомида Трапм шу каби ҳарбий кемаларга жойлаштириш қулай бўлган АҚШда ишлаб чиқариладиган F-35 қирувчи самолётларидан 105 тасини етказиб беришга ваъда берган.