«Чанг Андын» акционерлеринин жыйыны кворум жоктугунан өтпөй калды

Кыргызстанда «Чанг Ан» инвестициялык банкынын акционерлеринин кезектеги жалпы чогулушу кворум жок болгонуна байланыштуу өтпөй калды. Бул тууралуу маалымат Кыргыз фондулук биржасынын расмий сайтына чыкты.


Чогулуш 28-майда өтүп, банкты чакан насыя компаниясы кылып кайра түзүү маселеси каралмак. Эми жыйын 13-июнга белгиленди.


Чакан насыя компаниясы болуу себебин банк ачык айтпаганы менен адистер анын уставдык капиталы азайып кеткен болушу мүмкүн деп түшүндүрүүдө.


Улуттук банк былтыр банктардын капиталы минимум 600 миллион сом болушу керек деген эреже киргизген. Ушундан улам башка коммерциялык банктарда да коркунуч бар экендиги кабарланууда. (RK)