«Եվրատեսիլի» Բելառուսի ժյուրին որակազրկվել է
Թել Ավիվում այս պահին ընթանում է «Եվրատեսիլ-2019» երգի մրցույթի եզրափակիչը, որի մեկնարկից ժամեր առաջ Եվրոպական հեռարձակողների միությունը որոշում է կայացրել մրցույթի օրենքները խախտելու համար որակազրկել Բելառուսի ժյուրիին, որն իրավունք չի ունենա մասնակցել քվեարկությունը: Այս մասին հայտնում է РИА Новости-ն:
Պատճառն այն է, որ ժյուրիի անդամները մամուլի ներկայացուցիչներին պատմել են իրենց նախընտրելի մասնակիցների, ինչպես նաև առաջին կիսաեզրափակչի քվեարկության մասին, ինչը մինչ եզրափակիչ մրցույթի ավարտն արգելվում է։ Ժյուրիի անդամների կազմում էին Վալերի Պրիգունը, Անգելինա Միկուլսկայան, Օլգա Ռիժիկովան, Արտյոմ Միխալենկոն և Անաստասիա Տիխանովիչը:
Նշվում է, որ Բելառուսը ձայներ կարող է ստանալ միայն հեռուստադիտողի քվեարկությունից: Այդ երկիրը մրցույթում ներկայացնում է 16-ամյա Զինա Կուպրիանովիչը, ով հանդես է գալիս ZENA կեղծանվամբ:
Հիշեցնենք, որ Հայաստանի ներկայացուցիչ Սրբուհի Սարգսյանը դուրս էր մնացել երկրորդ կիսաեզրափակչից և չի մասնակցում եզրափակչին: