«Ал-Садд» бош мураббийи «Пахтакор» қарши баҳсда Хавининг майдонга тушишини айтди
Эртага, Тошкентдаги «Пахтакор» марказий стадионида Осиё чемпионлар лигасининг 3-тур учрашуви бўлиб ўтади. Мазкур баҳсда майдон эгаси «Пахтакор» Қатарнинг «Ал-Садд» клубини қабул қилади.
Учрашув олдидан ўтказилган матбуот анжуманида меҳмонлар бош мураббийи Жезуалдо Феррейра эртанги баҳсда Испания терма жамоаси ва «Барселона»нинг собиқ футболчиси Хавининг майдонга тушишини таъкидлади. Ушбу ўйин соат 19:00да бошланади. «Пахтакор» – «Ал-Садд» ўртасидаги тўқнашувни хитойлик ҳакам Фу Мин бошқаради.
Эслатиб ўтамиз, «шерлар» ОЧЛнинг «Д» гуруҳида 4 очко тўплаган ҳолда пешқадам бўлиб турибди. Жезуалдо Феррейра шогирдлари эса 3 очко билан учинчи поғонадан жой олган.