შსს-ს ადასტურებს, რომ ქალი ელექტროშოკით გათიშეს და გააუპატიურეს
ინფორმაცია ქალზე ძალადობის ფაქტზე, თავდაპირველად საინფორმაციო პორტალმა "პრაიმტაიმმა" გამოაქვეყნა, როგორც გამოცემა წერს, დაზარალებულმა მასზე განხორციელებული ძალადობის შესახებ, სოციალურ ქსელში თავად გაავრცელა: „..რაც მე გადამხდა თავს, მტერს არ ვუსურვებ. 30 დეკემბერს ღამის 9-დან 10-ის ნახევრის ინტერვალში გლდანში, გობრონიძის ქუჩიდან მიმავალი საცალფეხო ბილიკზე, რომელიც მუხიანის დასახლებას აკავშირებს, ელექტროშოკის ოთხი დარტყმით პარალიზება მოახდინა და ჩემზე იძალადა..." - წერს დაზარალებული ქალი.
გამოძიება სისხლის სამართლის კოდექსის 137-ე მუხლის I ნაწილით მიმდინარეობს, რაც გაუპატიურებას გულისხმობს. ბრალდება 6-დან 8 წლამდე თავისუფლების აღკვეთას ითვალისწინებს.