Վատիկանում առաջին անգամ դատավճիռ է կայացվել փողերի լվացման գործով
Վատիկանի քրեական դատարանը իտալացի ձեռնարկատիրոջը 2.5 տարվա ազատազրկման է դատապարտել Վատիկանի բանկում առկա հաշվեհամարի միջոցով փողերի լվացման համար:
Ինչպես տեղեկացնում է Associated Press-ը՝ վկայակոչելով Սուրբ Աթոռի մամլո ծառայությանը, դատավճիռը կայացվել է դեկտեմբերի 17-ին: Գործարար Անջելո Պրոիետիից որոշել են նաև բռնագրավել միջոցները: Տղամարդուն տնային կալանքի տակ են առել 2016 թվականին՝ իր շինարարական ընկերության սնանկացման հետ կապված հնարավոր խարդախությունների գործով հետաքննության շրջանակներում:
Վատիկանում այդ դատական գործընթացը «սկզբունքորեն կարևոր» են անվանել փողերի լվացման և ահաբեկչության ֆինանսավորման կանխման շուրջ տարվող աշխատանքների համար: