Дар Андиҷон корманди пулисро ҳангоми навбатдории шабона куштанд
«Лейтенант Ҳайдаров мехост, шахсияти се ҷавонеро муайян кунад, ки ба куҷое мерафтанд. Ин вазифаи ӯ буд. Вале дар натиҷа миёни онҳо низоъ бархост ва яке аз ҷавонон Ҳайдаровро задааст», - хабар дод як корманди пулиси вилояти Андиҷон.
Ба гуфтаи ӯ, ҳодиса дар марзи маъмурии ноҳияҳои Избоскан ва Пахтаободи Андиҷон рух додааст. «Ҳайдаровро баъд аз латтукӯб зуд ба наздиктарин беморхонаи Пахтаобод мебаранд. Вале шаби 21 ба 22 ноябр даргузашт», - афзуд ҳамсуҳбати мо.
Ҷавоне, ки Ҳайдаровро латтукӯб кард, бо ҳамроҳонаш боздошт шудааст.
Дар робита ба ин ҳодиса бо банди «Куштори барқасдона» парванда боз шуда, додситонӣ тафтиш дорад.