Իսպանիայում ընտանիքի անդամների սպանության մեջ մեղադրվող տղամարդը երեք անգամ ցմահ ազատազրկման է դատապարտվել
Բրազիլացին, որը դաժանաբար սպանել է իր իսկ ընտանիքի 4 անդամին, այդ թվում` երկու մանկահասակ երեխայի, Իսպանիայում դատապարտվել է ցմահ ազատազրկման:
Ինչպես հայտնում է El País-ը, նման վճիռ է կայացրել Գվադալախարայի դատարանը: Միևնույն ժամանակ դատավճիռը 3 ցմահ ժամկետով ազատազրկում է նախատեսում՝ դատավճիռը 25 և 35 տարի անց վերանայելու իրավունքով: Բացի այդ, նրան ևս 25 տարվա ազատազրկում է հասնում 4-րդ սպանության համար: Նա նաև պետք է սպանվածների ընտանիքին 390 000 եվրո փոխհատուցում վճարի:
Երկիրը ցնցած դաժան սպանությունը տեղի է ունեցել 2016-ի օգոստոսին իսպանական Պիոս քաղաքում (Կաստիլիա Լա-Մանչա ինքնավար համայնք): Մասնատված մարմիններն սպանությունից մեկ ամիս անց ոստիկանությունը հայտանբերել էր տանը, որտեղ բնակվելիս են եղել բրազիլացիները:
Հանցագործության իրականացման մեջ կասկածել են ընտանիքի հոր զարմիկ Պատրիկ Նոգեյրային: Մարմինների հայտնաբերումից հետո նա մեկնել էր Բրազիլիա, սակայն հոկտեմբերին ինքնակամ հանձնվել է ոստիկանությանը: