Վալվերդե. Ալավեսի դեմ մեր լավագույն խաղը չցուցադրեցինք
«Բարսելոնայի» գլխավոր մարզիչ Էրնեստո Վալվերդեն Իսպանիայի առաջնության մեկնարկային տուրի՝ «Ալավեսի» հետ հանդիպման (3:0) վերաբերյալ իր մեկնաբանությունն է տվել.
«Մեզ չհաջողվեց մեր լավագույն խաղը ցուցադրել: Մրցակիցը դանդաղեցնում էր մեր գործողությունները: «Ալավեսը» շատ խորքից և շատ համակարգված էր պաշտպանվում, դրա համար էլ մեզ համար բարդ էր խաղալ:
Ամեն դեպքում հիմա դեռ օգոստոսն է, և մենք դեռ առաջընթաց կգրանցենք:
Ինչ վերաբերվում է Մեսսիի՝ տուգանայից խփած գոլին, ապա նա նման գոլ խփել էր նաև «Ժիրոնայի» դարպասը: Լեոն միշտ կարող է անակնկալներ մատուցել»,- Վալվերդեի խոսքը մեջբերել է «Marca»-ն: