2020 թ. մարդահամարի իրականացման համար անհրաժեշտ է արտաբյուջետային ծախսերի նախահաշիվ. ծախսերը կկազմեն մոտ 13.5 միլիոն դրամ
2020թ. մարդահամարի կազմակերպման և անցկացման նպատակով 2018թ. ՀՀ վիճակագրական կոմիտեին պետական բյուջեով հատկացվել է 75250.4 հազար դրամ՝ մարդահամարի վարչության աշխատակիցների աշխատավարձի, կոմունալ ծախսերի, ոչ բնակելի տարածքի վարձակալության, կենցաղային և գրասենյակային նյութերի ձեռքբերման համար: Սակայն մարդահամարի վարչության արդյունավետ գործունեության կազմակերպման համար անհրաժեշտություն է առաջացել ձեռք բերել որոշ անհրաժեշտ ապրանքներ և ծառայություններ (վարչական սարքավորումներ, տրանսպորտային նյութեր, մեքենաների վերանորոգում և այլն), որոնք ֆինանսավորման պատճառով հնարավոր չի եղել ընդգրկել 2018թ. բյուջեով: Այս հարցը ներառված է ՀՀ կառավարության վաղվա նիստի չզեկուցվող հարցերի շրջանակներում:
Ըստ նախագծի` առկա խնդրով պայմանավորված՝ ՀՀ կառավարության 2018 թվականի ապրիլի 5-ի թիվ 394-Ա որոշման հիման վրա ՀՀ ֆինանսների նախարարության գանձապետարանում բացված արտաբյուջետային հաշվի (900013000659) 3. 675.974 ՀՀ դրամ գումարը նախատեսվում է օգտագործել վերոնշյալ ապրանքների և ծառայությունների ձեռքբերման համար: Հետևաբար, 2020 թ. հերթական մարդահամարի աշխատանքների արդյունավետ իրականացման համար անհրաժեշտություն է առաջացել հաստատել արտաբյուջետային ծախսերի նախահաշիվ, որի ծախսերը կկազմեն 13. 676.0 հազ. դրամ:
Սույն որոշման նախագծի ընդունման անհրաժեշտությունը պայմանավորված է այն հանգամանքով, որ 2020թ. մարդահամարի կազմակերպման և անցկացման նպատակով 2018թ. ՀՀ վիճակագրական կոմիտեին պետական բյուջեով հատկացված գումարը բավարար չէ մարդահամարի վարչության աշխատանքների բնականոն ընթացքի կազմակերպման համար:
Սույն որոշման նախագծով առաջարկվում է հաստատել արտաբյուջետային միջոցների ծախսերի նախահաշիվը: Արտաբյուջետային միջոցների ծախսերի նախահաշվի հաստատման անհրաժեշտությունը նպատակ է հետապնդում ապահովել իրականացվելիք ծրագրի ֆինանսավորման գործընթացը:
ՀՀ վիճակագրական կոմիտեի բնականոն աշխատանքների համար անհրաժեշտ միջոցառումների, մասնավորապես, 2018-2022թթ.-ին իրականացվելիք մարդահամարի նախապատրաստման և անցկացման աշխատանքների աջակցման նպատակով անհրաժեշտ է որոշակի միջոցառումների իրականացում: