Բրազիլիայում մեքենան առևանգողները բախվել են սյանը ու նրանցից մեկը դուրս է թռել մեքենայից (տեսանյութ)
Բրազիլիայում մեքենան առևանգողը, փորձելով ազատվել իրեն հետապնդող ոստիկաններից, չի կարողացել կառավարել մեքենան, որն արդյունքում սկսել է շրջվել:
Ինչպես հաղորդում է Daily Mail-ը, միջադեպի հետևանքով ուղևորի նստելատեղին գտնվող տղամարդը դուրս է թռել մեքենայի սրահից: Պատահարի տեսարանը ֆիքսել է բրազիլական Պոնտա Գրոսա քաղաքում տեղադրված վերահսկման տեսախցիկը:
Ինչպես երևում է հրապարակված կադրերում, բարձր արագությամբ ընթացող մեքենան մի քանի անգամ շրջվում է: Մեքենայից դուրս թռած տղամարդը գտնվում է հիվանդանոցում՝ բժիշկների և ոստիկանների հսկողության տակ: Վարորդն աննշան վնասվածքներ է ստացել: