Siriýa Damaskyň hökümetiň doly gözegçiligine geçendigini aýdýar
Siriýa harbylary, 2011-nji ýylda başlanan graždançylyk urşundan bäri ilkinji gezek, paýtagt Damaskyň “Yslam döwleti” ekstremistik toparynyň jeňçilerinden doly azat edilendigini aýtdylar.
Döwlet telewideniýesinde esgerleriň harabalyga öwrülen jaýlaryň üstünde Siriýanyň baýdagyny galgadýan görnüşleri görkezildi.
Eýranyň goldaýan harbylary, şol sanda Liwanyň Hizballah topary, Russiýanyň harby howa güýçleri prezident Başar al-Assadyň hökümetine Damasky, şeýle-de ýurduň demirgazyk we merkezi sebitlerini öz gözegçiligine geçirmegine uly goldaw berdi.