Հայուհին անվճար հաց է բաժանում ռուսական հեռավոր բնակավայրի թոշակառուներին
1990-ական թվականներին Վանաձորից Ռուսաստան տեղափոխված Հարությունյանների ընտանիքն ամեն կիրակի անվճար մոտ 100 հաց է բաժանում կարիքավորներին:
Ինչպես նշում է rusarminfo.ru-ն, հեռավոր Իսսա բնակավայրում հաստատված ընտանիքի ավագ դուստրը՝ Թեհմինա Հարությունյանը, շաբաթական մեկ անգամ անվճար հաց է բաժանում թոշակառուներին:
Հայուհին նման որոշում է կայացրել, երբ նկատել է՝ ինչպես են թոշակառուներն ամեն անգամ իր հոր բացած խանութ գալուց հաշվում կոպեկները:
Այժմ կինը մտածում է ամսական մեկ անգամ կամ խոշոր տոների ժամանակ կարիքավորներին մթերային զամբյուղներով (ձավարեղեն, մակարոնեղեն, շաքարավազ, քաղցրավենիք) օգնելու ուղղությամբ: