Ժոզե Մոուրինյուն դժգոհ է Մանչեսթեր Յունայթեդի օրացույցից
«Մանչեսթեր Յունայթեդի» գլխավոր մարզիչ Ժոզե Մոուրինյուն դժգոհություն է հայտնել Անգլիայի Պրեմիեր լիգայի 9-րդ տուրի «Չելսիի» հետ արտագնա հանդիպման օրվա կապակցությամբ:
Այդ խաղը նշանակված է հոկտեմբերի 22-ին, բայց ամենայն հավանականությամբ կտեղափոխվի հոկտեմբերի 23-ին, քանի որ հոկտեմբերի 20-ին «Մանչեսթեր Յունայթեդը» Եվրոպա լիգայի խաղարկության խմբային փուլի խաղ է անցկացնելու:
Պորտուգալացի մարզիչը դժգոհ է, որ պատասխանատու խաղից առաջ իր թիմը վերականգնվելու շատ քիչ ժամանակ կունենա:
«Մանչեսթեր Յունայթեդն» այդ հարցով դեռ չի կապվել ԱՊԼ-ի երկայացուցիչների հետ, սակայն նման դեպքերում, ակումբները սովորաբար մերժում են ստանում: