Գիտնականները պարզել են էկրանից և թղթից կարդալու տարբերությունը
Ամերիկյան Դարթմուտի քոլեջի և Քարնեգի-Մելլոնի համալսարանի գիտնականները պարզել են, որ գաջեթի էկրանից և թղթից ընթերցելու միջև տարբերություն գոյություն ունի: Корреспондент-ի փոխանցմամբ` մասնագետների կարծիքով՝ երկու տեսակի կրիչները տարբեր են ընդունվող մարդու կողմից:
Հաղորդվում է, որ մի շարք փորձարկումներից կազմված հետազոտություն է անցկացվել, որոնցից յուրաքանչյուրում 60-119 մարդ է մասնակցել` 20-24 տարեկան հասակում:
Արդյունքում պարզվել է, որ մասնակիցները, ովքեր ընթերցել են տպագիր տեքստը, տրամաբանական հարցերին շատ ավելի լավ էին պատասխանում: Նրանց շրջանում հարցման ժամանակ ճիշտ պատասխանների մակարդակը կազմել է 66 տոկոս մինչդեռ էկրանից ընթերցողները միայն 44 տոկոսով են ճիշտ պատասխաններ տվել:
Միևնույն ժամանակ նշվում է, որ մանրամասներն ավելի լավ են հիշել էկրանից ընթերցած մասնակիցները` 73 տոկոս ցուցանիշով` մրցակիցների 58 տոկոսի համեմատ:
Ընդհանուր առմամբ, հետազոտությունը ցույց է տվել, որ տպագիր թղթից կարդացողների մոտ ըւնկալումն ավելի լավ է լինում: