Զախարովայի՝ Կորեական թերակղզում լարվածության աճի պատճառների մասին հայտարարությունից հետո Սեուլում ՌԴ դեսպանը կանչվել է երկրի ԱԳՆ
Կորեական թերակղզում լարվածության աճի պատճառների մասին ՌԴ ԱԳՆ պաշտոնական ներկայացուցիչ Մարիա Զախարովայի խոսքերի պատճառով Կորեայի Հանրապետության իշխանությունները Սեուլում ՌԴ դեսպան Գեորգի Զենովևին կանչել են ԱԳՆ։
Ինչպես հայտնում է Yonhap գործակալությունը, դեսպանին բողոք է ներկայացվել։
Իր հերթի Կորեայի Հանրապետությունում ՌԴ դեսպանությունը հայտարարություն է տարածել՝ հայտնելով, որ Կորեայի արտգործնախարարի՝ քաղաքական հարցերով տեղակալ Չոն Բյոն Վոնի հետ հանպմանը Զինովևը ներկայացրել է ռուսական կողմի գնահատականները Կորեական թերակղզում ստեղծված լարված իրավիճակի վերաբերյալ։
Նա նաև ընդգծել է ՌԴ ԱԳՆ պաշտոնական ներկայացուցչի հայտարարությունների առնչությամբ կորեական լրատվամիջոցներում տարածված հայտարարությունների, այդ թվում՝ Ուկրաինայում Ռուսաստանի հատուկ գործողության վերաբերյալ լուրերի անընդունելի լինելը։
Նշենք, որ փետրվարի 1-ին Զախարովան հայտարարել էր, որ Հարավային Կորեայի նախագահ Յուն Սոկ Յոլի հայտարարությունները ԿԺԴՀ-ի մասին միջուկային հարցերի վերաբերյալ նպատակ ունեն քողարկել Փհենյանի դեմ ագրեսիվ ծրագրերը:
Նրա խոսքով՝ թերակղզում աճող լարվածության հիմնական պատճառն «ԱՄՆ-ի և նրա դաշնակիցների լկտի քաղաքականությունն է»։ Դիվանագետը տենդենցային է որակել Կորեայի նախագահի հայտարարությունն այն մասին, թե ԿԺԴՀ-ն աշխարհում միակ երկիրն է, որն օրինականորեն ապահովել է կանխարգելիչ միջուկային հարվածի իրավունքը։