ՀՀ ՄԻՊ Անահիտ Մանասյանը քաղաքացիների ընդունելություն է անցկացրել․ քննարկվել են տարբեր բնույթի հարցեր
ՀՀ մարդու իրավունքների պաշտպան Անահիտ Մանասյանն այսօր՝ նոյեմբերի 14-ին, ընդունել է քաղաքացիների։
Ինչպես հայտնում են ՀՀ մարդու իրավունքների պաշտպանի աշխատակազմից, քննարկվել են ինչպես անհատական բնույթի, այնպես էլ համակարգային հարցեր։ Անահիտ Մանասյանն ընդգծել է, որ իր իրավասության շրջանակում ջանքեր կգործադրի բարձրացված խնդիրների շուտափույթ լուծման համար:
Ըստ աղբյուրի՝ քաղաքացիների հետ հանդիպմանը մասնակցել են նաև ՄԻՊ աշխատակազմի ներկայացուցիչները։
Նշվում է, որ ՀՀ ՄԻՊ-ի կողմից քաղաքացիների ընդունելությունը կրում է շարունակական բնույթ։