Անարդար կլինի Բարսելոնային Իսպանիայի չեմպիոն հռչակելը․ Կուրտուա
Մադրիդի «Ռեալի» դարպասապահ Տիբո Կուրտուան կարծում է, որ «Բարսելոնան»՝ ընթացիկ մրցաշրջանի շուտ ավարտվելու դեպքում Պրիմերայի չեմպիոն հռչակվելու արժանի չէ։
««Ռեալն» ընդամենը երկու միավորով է հետ մնում «Բարսելոնայից»։ Մենք հավակնում ենք տիտղոսին, դրա համար էր էլ մեր բախտը չի բերի, եթե արդյունքները զրոյացվեն։ Անարդար կլինի «Բարսելոնային» չեմպիոն հռչակելը։ Մենք նրանց հետ ոչ-ոքի ենք խաղացել, իսկ երկրորդ խաղում հաղթել ենք։ Ապացուցել ենք, որ նրանցից լավն ենք։ Ընդամենը երկու միավորով ենք հետ մնում, այնպես որ ես չեմ համաձայնի այդպիսի որոշման հետ։
ԱՊԼ-ի ու «Լիվերպուլի» պարագայում ամեն ինչ այլ է։ Դա կարող եմ հասկանալ։ Բայց կցանկանայի մինչև վերջ խաղայինք մրցաշրջանը։ 11 խաղ է մնացել։ Չափազանց վաղ է չեմպիոնին որոշելու համար։ Եթե ստիպված լինենք ընտրել հաղթողին առանց մրցաշարն ավարտելու, ավելի լավ է, որ այն ընդհանրապես չլինի»,- 27-ամյա բելգիացու խոսքերն է փոխանցում Marca-ն։