Կորոնավիրուսի դեմ պայքարը ՀՀ գործող ռեժիմն ամբողջովին տապալել է. Միհրան Հակոբյան
Կորոնավիրուսի դեմ պայքարը ՀՀ գործող ռեժիմը տապալել է, և հիմա փորձում է ինչ-որ հայտարարություններով ինքն իրեն փրկել: Այս մասին 5-րդ ալիքի եթերում ասել է քաղաքական-հասարակական գործիչ Միհրան Հակոբյանը՝ անդրադառնալով ՀՀ-ում մայիսի 4-ից սահմանափակումների մասնակի վերացմանը:
«Ինչո՞ւ ես արտակարգ դրություն մտցնում այն ժամանակ, երբ կա 1 մահ և ինչո՞ւ ես արտակարգ դրությունը հանում, եթե կա 39 մահ, 1 օրվա ընթացքում էլ 120 վարակակիր: Ո՞րն է տրամաբանությունը: Տրամաբանությունն այն է, որ ներկա ռեժիմը տապալել է կորոնավիրուսի դեմ պայքարը, և բոլոր այդ մահերի համար պատասխանատու են պատասխանատուները՝ վարչապետ Փաշինյանի գլխավորությամբ:
Պետք չէր համեմատվել Իտալիայի, Իսպանիայի կամ Չինաստանի հետ, բավական էր միայն նայել Վրաստանի փորձին: Երջանիկ պատահականություններ չեն լինում. Վրաստանն այսօր, ի տարբերություն Հայաստանի կառավարության, կարողացավ հստակորեն ապահովել արտակարգ դրության ձևաչափից, ոգուց և բովանդակությունից բխող գործողություններ»,- ասել է Միհրան Հակոբյանը:
Մանրամասները՝ տեսանյութում: