Մոսկվայում հանգստյան օրերին կտեղա առաջին ձյունը
Կիրակի, հոկտեմբերի 6-ին, Մոսկվայում սպասվում է ջերմաստիճանի կտրուկ անկում, կլինեն տեղումներ անձրևի և թաց ձյան տեսքով: Այս մասին հայտարարել է Ռուսաստանի հիդրոօդերևութաբանական կենտրոնի փոխտնօրեն Դմիտրի Կիկտևը: Փոխանցում է Zvezda հեռուստաընկերությունը:
Նա նշել է, որ շաբաթ երեկոյան Մոսկվայում սպասվում է 5-7 աստիճան տաքություն: Կեսօրից հետո ջերմաստիճանը կբարձրանա մինչև +10 աստիճան: Կիրակի օրը, արդեն, նկատելիորեն ցուրտ կլինի`3-5 աստիճան, ինչպես նաև սպասվում են տեղումներ անձրևի և թաց ձյան տեսքով:
Կիկտևը հավելել է, որ թաց ձյուն կտեղա նաև հաջորդ շաբաթվա սկզբին: Նա նշել է, որ դրանից հետո, ամենայն հավանականության, օդի ջերմաստիճանը մի քանի աստիճանով կբարձրանա: