ԱՄՆ-ում ծեծի են ենթարկել տղամարդու` գլխարկի վրա ռուսերեն գրության համար
ԱՄՆ-ի Կալիֆոռնիա նահանգում չարագործը ծեծի է ենթարկել մի տղամարդու, ում գլխարկի վրա ռուսերեն տառերով գրված է եղել ԱՄՆ-ի նախագահ Դոնալդ Թրամփի «Ամերիկան կրկին դարձնենք հզոր» կարգախոսը: Այս մասին հայտնում է Fox News-ը:
Ոստիկանության տվյալներով` 32-ամյա Դևիդ Դելգադոն ռեստորաններից մեկում մոտեցել է տուժողին և հետաքրքրվել, թե ինչ է գրված նրա գլխարկին: Ստանալով իր հարցի պատասխանը` չարագործը մի քանի հարված է հասցրել տղամարդու դեմքին: Հարվածների արդյունքում տուժողն ընկել է հատակին:
Դելգադոն շարունակել է նրան հարվածել, ապա վերցրել է վերջինիս գլխարկն ու թաքնվել: Նշվում է, որ չարագործին հաջողվել է ձերբակալել: Գրավի դիմաց ազատ արձակվելու գումարը կազմում է 100 000 դոլար: