1667 նոր ընկեր. Չինաստանում դասախոսն ուսանողներին գերազանց գնահատական դնելու համար արտասովոր հանձնարարություն է տվել
Չինաստանի համալսարաններից մեկում պրոֆեսորն իր ուսանողներին արտասովոր հանձնարարություն է տվել նրանց գերազանց գնահատական դնելու համար:
Ինչպես նշում է Oddity Central-ը, պրոֆեսորն առավելագույն 100 միավոր հավաքելու համար ուսանողներին հանձնարարել է երկու շաբաթում առնվազն 1667 նոր ընկեր ձեռք բերել Չինաստանի հայտնի WeChat սոցկայքում:
Արտասովոր առաջադրանքը տրվել է Հենանի Էկոնոմիկայի և իրավունքի համալսարանում՝ «Առցանց և նոր մեդիա» կոչվող դասընթացի շրջանակում:
Պրոֆեսորի մտահղացմամբ՝ այն ուսանողները, որոնք համաձայնել են 100-ից 60 միավոր ստանալ, պարտավոր են առնվազն 1001 նոր ընկեր ունենալ սոցկայքում:
Դասախոսի հանձնարարությունը դուր չի եկել հատկապես ինտրավերտներին, որոնք մարդկանց հետ շփման խնդիր ունեն ու այս առաջադրանքը չափազանց բարդ են համարում: Բացի այդ, նրանց դուր չի եկել, որ դասախոսը բարձր միավորներ հավաքելու այլընտրանքային տարբերակ չի առաջարկել: