Կիևում ֆեմինիստների և ուլտրաաջ ծայրահեղականների միջև ծեծկռտուք է տեղի ունեցել (տեսանյութ)
Ուկրաինայի մայրաքաաղք Կիևի կենտրոնում ֆեմինիստների և ուլտրաաջ ծայրահեղականների միջև ծեծկռտուք է տեղի ունեցել, գրում է РИА Новости-ն՝ ուկրաինական «ПРЯМИЙ» հեռուստաալիքին հղումով:
Ակցիայի ժամանակ ծայրահեղականները սադրանքի են ենթարկել ֆեմինիստներին` նրանց ձեռքից խլելով ցուցանակներն ու պաստառները, ինչի հետևանքով կռիվ է բռնկվել: Օրինապահ մարմինները ձերբակալել են միջադեպի մասնակիցներից մի քանիսին:
Ֆեմինիստները, իրենց խոսքով, ակցիա են կազմակերպել՝ մարմնավաճառության օրինականացումը չթույլատրելու նպատակով: Միևնույն ժամանակ ուլտրաաջերը, տրադիցիոնալիստներն ու քրիստոնեական կազմակերպությունները իրենց ակցիան են իրականացրել: