Պերուում անհետացել է նախկին նախագահների կոռուպցիոն կապերը քննող դատավորի դուստրը
Պերուում անհետացել է դատավոր Ռիչարդ Կարխուանչոյի 13-ամյա դուստրը: Դատավորը քննում է երկրի նախկին նախագահների կոռուպցիոն կապերը բրազիլական Odebrecht շինարարական ընկերության հետ, գրում է «Ռեգնում» գործակալությունը:
Աղջկա մայրը հունվարի 29-ին ոստիկանություն է դիմել՝ հայտնելով, որ հունվարի 28-ի երեկոյան աղջիկը դուրս է եկել Լիմայի իրենց տնից և չի վերադարձել: Ոստիկանությունը բոլոր միջոցները ձեռնարկում է երեխային գտնելու համար:
Հայտնի է, որ Կարխուանչոն քննում է Պերուի նախկին նախագահներ Ալեխանդրո Տոլեդոյի (2001-2006թթ.) և Օլյանտա Ումալայի (2011-2016թթ.) կապերն ամբողջ Հարավային Ամերիկայում կոռուպցիոն ցանց ստեղծած բրազիլական Odebrecht ընկերության հետ:
2018թ.-ի վերջին Կարխուանչոն երկրի ընդդիմադիր «Ազգային ուժ» կուսակցության առաջնորդ Կեյկո Ֆուխիմորիին դատապարտել էր ազատազրկման: Վերջինս 1990-2000թթ. Պերուի նախագահի պաշտոնը զգաղեցրած Ալբերտո Ֆուխիմորիի դուստրն է: