Фәрит Мөхәммәтшин Татарстанда «Бердәм Россия» праймеризында иң күп тавыш җыйган
Татарстан Дәүләт Советы Рәисе Фәрит Мөхәммәтшин республикада узган «Бердәм Россия» праймеризы барышында иң күп тавыш җыйган. Искәртик, алдан тавыш бирү 20 майдан 26 майга кадәр дәвам итте һәм электрон форматта узды. Якынча нәтиҗәләр партия сайтында чыкты.
Беренче унлыкка шулай ук Татарстанда Кеше хокуклары буенча вәкаләтле вәкил Сәрия Сабурская, Россия Герое Рәсим Баксиков, Дәүләт Советы Рәисе урынбасарлары Марат Әхмәтов һәм Юрий Камалтынов, «Яңа гасыр» телерадиокомпаниясе генераль директоры Илшат Әминов, Дәүләт Советы секретаре Лилия Маврина, Лениногорск районы башлыгы Рәгать Хөсәенов, Аксубай районы башлыгы Камил Гыйльманов, ТР Дәүләт Советы депутаты Владимир Вавилов кергән.
Праймеризның ахыргы нәтиҗәләре 30 майда «Бердәм Россия» Генераль советы Президиумында ясала. Татарстан алдан тавыш бирүдә катнашучылар саны буенча лидер төбәкләр исемлегенә кергәнлеге турында хәбәр ителгән иде.