Миңнеханов һәм Үзбәкстан Премьер-министры Казанда Рәмиев исемендәге IT-паркта булды
Бүген Татарстан Республикасы Рәисе Рөстәм Миңнеханов һәм Үзбәкстан Премьер-министры Абдулла Арипов Бәшир Рәмиев исемендәге Казан IT-паркында булды. Бу хакта «Татар-информ»га Татарстан Республикасы Рәисенең матбугат хезмәте җитәкчесе Лилия Галимова хәбәр итте.
Кунакка IT-парк мөмкинлекләрен күрсәттеләр. Моннан тыш, Үзбәкстан делегациясе балалар IT-паркында булды. Коворкингны караганда Үзбәкстан Хөкүмәте башлыгына Татарстанда эшләнгән IT-ачышларны тәкъдим иттеләр.
Искәртеп үтәбез, Үзбәкстан Премьер-министры Татарстанга килде. Республиканың сәнәгать һәм икътисади потенциалын презентацияләү һәм киңәйтелгән составта рәсми очрашу планлаштырыла.