Татарстанның Югары Ослан районында җиңел машина төягән «ГАЗель» янып беткән
Кичә кич М7 юлының 774нче километрында «ГАЗель» машинасы янган.
«Татар-информ»га Россия Гадәттән тыш хәлләр министрлыгының Татарстан буенча баш идарәсе матбугат хезмәтендә хәбәр итүләренчә, урынга янгын сүндерүчеләр килгән. Ачыкланганча, юлда «ГАЗель» машинасына ут капкан. Аның кузовында Subaru чит ил машинасы булган.
Фото: © Россия Гадәттән тыш хәлләр министрлыгының Татарстан буенча баш идарәсе матбугат хезмәте
Соңрак Гадәттән тыш хәлләр министрлыгы хезмәте янгынны сүндергән.
Автомобиль тулысынча янып беткән, «ГАЗель» йөртүчесе зыян күрмәгән.
Якынча мәгълүматлар буенча, янгын автомобильнең системасы, механизмы төзек булмау сәбәпле чыккан.
Фото: © Россия Гадәттән тыш хәлләр министрлыгының Татарстан буенча баш идарәсе матбугат хезмәте