Кичә Алабуга районында ике җәяүле юл һәлакәтендә үлгән
Кичә Татарстанның Алабуга районында ике җәяүле юл-транспорт һәлакәтендә үлгән. Республика Дәүләт автоинспекциясе бу хакта Telegram-каналында хәбәр итә.
Беренче юл-транспорт һәлакәте М 7 трассасының 1003нче километрында булган. Юлны ярамаган урында чыгып баручы кешене берьюлы ике машина бәрдергән. Башта аны «ГАЗ» автомобиле, аннары Volkswagen таптаган. Җәяүле һәлак булган.
Икенче юл-транспорт һәлакәте Алабугага керү юлында була. 52 яшьлек ир-ат юлны чыккан вакытта, аны «Лада-2110» йөртүчесе бәрдергән. Ир-ат шунда ук үлгән.
Ике җәяүленең дә яктылык кайтаручы элементлары булмаган.